Min bêrîya te kir tu ket bîra min
Rabûm min nivîsand helbestek ji bo te
Navê te yê şêrîn kete dilê min
Ez têr nebûm ji te hey welatê min
Ez têr nebûm ji te sebra dilê min
.
Ez evîndar kirim herdû çavên te
Ji bîr nakim wan deşt û çiyayên te
Gelek xweş e jiyan li ser sînga te
Ez têr nebûm ji te sebra dilê min
.
Daxwezya min ewe serxwebûna te
Li her çar alên azadbûna gelê te
Bila gorî bibe keç û xortên te
Ez têr nebûm ji te sebra dilê min
.
Carek tenê min te dilxweş bidîta
We derd tev çûbana dilê min geş ba
Bila mirin li ser seran bihata
Ez têrnebûm ji te sebra dilê min