Ez ax im, ez av im, ez bahoz im, ez agir im,
zivistan im , payîz im, ez bihar im, ez havîn im.
Mehabad im, Qamişlo, Hewler û Amed im,
ez bakur im başûr im, rojava û rojhilat im.
Ez axa zîv û zêr im, petrol im dewlemend im,
şînahî me ez kulîlk im, kes û sor û zer im,
Xozayê bedew im, Ararat û Zagros im, ez Serhed im Bêhdînan im,
ez Dêrsim û Botan im,
kaniya jînê me gola Urmiye û Wan im, ez Avaşîn û Munzur,
Dîcle û Firat im, ez Nemrud im Heskîf im,
ez Mem û Zîn im, ji bo mirovahiyê li Çiyayê Cûdî lîman im, rojê dertînim,
Newroz im, Kawa hesinkar im ez Zerdeşt im, Silhedîn im, Pîr Sûltan im, neviye Sûmer,
keça Med im, dîrok im, ez gel im, ez ax im, ez Kurdîstan im.
.
[Hozan Serhad]:
Ez Kurdîstan im, bûka cîhan im ,
cîhê meran im, şerê giran im,
kaniya jînê, warê hebûnê, li heviya we me, rojê dertînim.
.
Tîrêj im ez, ez pel im, ez berf im û baran im, ez teyrê baz im, esman im,
ez bayê zozan im, ez barê giran im, kul û birînê hezar salan im,
ez xwîna axa sor im, zext û zilmê re qurban im,
ez hêsîr im bindest im, ez girtiyê zindan im,
leşkerê rojê me xwe diparêzim,
ez berxwedan im, hêvîdar im, sibe serxwebûn im, sibe rizgar im,
ez welat im, netew im, dilê rojhilata navîn im, ez zarok im û dayik im,
gazî me û şehîd im, dayika Egît – Hayri (Xeyrî), Mazlûm û Kemal Pîr im,
qehreman im Bêrîtan im, Zîlan im, ez Bêrîvan im,
destê xwe radikim û serê xwe dihejînim,
dayika Mele Mistefa, Şêx Seîd û Bedîrxan im,
bîst û neh caran serî rakirim,
ez serhildan im, tekoşîn im, şerê giran im,
ez bawer im û armanc im,
ez hêviya azad im, Ez Kurdîstan im.
.
[Hozan Serhad]:
Ez Kurdîstan im, bûka cîhan im ,
cîhê meran im, şerê giran im,
kaniya jînê, warê hebûnê, li heviya we me, rojê dertînim.