Ez xummxuma avên çeman
Ez çerx û govend û sema
Tîn im di nêv kat û lema
Jîn im, hebûn im, tevger im
Bayê siba tê xweş ez im
Berfa sibatê xweş ez im
.
[Beşek]
.
Xurtî di latê xweş ez im
Hişk û ziwa bin, ez ter im
Giranbiha me, zêr û dur
Ez dê û bav û xuşk û kur
Ez tim hebûn im, xurt û gur
Yaqût û lal û gewher im
.
[Beşek]
.
Pêşve diçim kar û xebat
Di nav çiyan de hîm û lat
Pêlan didim Zab û Ferat
Çelq û xumîn û gur-gur im
Bihişt ez im, agir ez im
Bakir ez im, rakir ez im
.
[Beşek]
.
Xemgîn kir û şa kir ez im,
Herdem didim, ez na kirim.
Pir xurt û hêz im ez hebûn
Ez pêşveçûn û serxwebûn
Herdem di nav damar û xûn
Ez her heme, qet namir im
.
[Beşek]
.
Jîn im, bihar im har û dîn
Candar bi min herdem bi tîn
Min dane wan ev hilm û bîn
Dinêv hebûnê cîgir im
Herdem heme, peyda me ez
Tava riwê xeyda me ez
.
[Beşek]
.
Cama bi dest Seyda me ez
Ez ol û vîn û bawer im
Ev ax û ba û av im ez
Ev pêtî û alav im ez
Xweş ronî û pertav im ez
Xurtî di zendên karker im