Rabe ji xewê çavê raketî
Dilêm şewitî agir pêketî
Şêrîna min çû tu dil vêketî
Dêçi bikim îro ji dest min derketî
Şêrîna min bir zalim neyara
Ez mame feqîr, mam li ber dîwara
Ez bandikim qêrîn hewara
Kî ser hêlîne, kî ji xew şiyara
Ser min zivistan ka buharê min
Şêrîna min ket dest neyarê min
Wê li min qut kir ziman, zarê min
Li min xopan kir şûn û warê min
Çi deng bê ser min ji biharê dila
Ku bê guhê min dengê bilbla
Ez wê hilgirim ser herdû mila
Ez pê dermankiim derdan û kula