Cana min cana min
Tuwî êş û jana min
Kî zane ez kîme
Bê te çiye mana min
.
Navê tey şêrînê
Dirûv û nîşana min
Dêmê sor çavê reş
Bi zav û semyana min
Newrozê dîrokê
Zelat û Sîpana min
.
Yara dil revandî
Tuwî bêrîvana min
Destê te bernadim
Li ser te fermana min
Xweş mêrim xwenda me
Qada te meydana min
.
Hevkarî yekîtî
Rêç û dibistana min
Rêzgarî azadî
Evîn û peymana min
Hel gurdim ez tême
Rabe gulîstana min