Nalînek Tê Guhê Min

Nalînek tê guhê min, lê winda û nihan e
Agir berda dilê min, tev bû pêt û dixan e
Barek da ser milê min, lê barekî giran e
Dabûn ser hev kulê min, hemî derd û bela ne
Kurdistana delal im, her kes tê min dixwazî
Ez pir şox û şepal im, min deng daye binazî
Ev bûye bîstûdu sal li ser min cenge bazî
Kurdo were mi bixwaze, belê bi serfirazî
Xemilanidime seranser, destgirtiya xorta me
Gerden sêvik sor û zer, li hêviya merdame
Qelen xwîn e ne gewher, Kurdistana Kurda me
Bê tang û top û leşker îro we ez berdame
Xortê kurdo şiyar bin, guh nedin van nemerda
Bav û kalê we rabûn, hemî mirin ji derda
Derdê li wan giranbûn îro li me çi serda
Ne wek bav û bira bin yara xwe ji dest xwe berdan.

مهەمەد شێخۆ -   نالینەک
نالینەک تێ گوهێ من

نالینەک تێ گوهێ من, لێ وندا وو نهان ئە
آگر بەردا دلێ من, تەڤ بوو پێت وو دخان ئە
بارەک دا سەر ملێ من, لێ بارەکی گران ئە
دابوون سەر هەڤ کولێ من, هەمی دەرد وو بەلا نە
کوردستانا دەلال م, هەر کەس تێ من دخوازی
ئەز پر شۆخ وو شەپال م, من دەنگ دایە بنازی
ئەڤ بوویە بیستوودو سال ل سەر من جەنگە بازی
کوردۆ وەرە م بخوازە, بەلێ ب سەرفرازی
خەملاندمە سەرانسەر, دەستگرتیا خۆرتا مە
گەردەن سێڤک سۆر وو زەر, ل هێڤیا مەردامە
قەلەن خوین ئە نە گەوهەر, کوردستانا کوردا مە
بێ تانگ وو تۆپ وو لەشکەر ئیرۆ وە ئەز بەردامە
خۆرتێ کوردۆ شیار بن, گوه نەدن ڤان نەمەردا
باڤ وو کالێ وە رابوون, هەمی مرن ژ دەردا
دەردێ ل وان گرانبوون ئیرۆ ل مە چ سەردا
نە وەک باڤ وو برا بن یارا خوە ژ دەست خوە بەردان.
Ev stran hatiye guhertin Carekê
Nivîsên berê
Sererastker : Amedo