Li Geliyekî

Ar girtiye qurm
Û li dorê dileyize
Çi kiribû
Çi bû gunehê dara berû?
Bi min re wê jî şer nexwestibû
Bi min re zarokan,
Bi min re kulîlkê
Û wê qîza xama…
Ku, li dû min stûxwar ma
Û bendî…
Rondik herikîbin şer herikand
Û xwîn pijiqand pelê kulîlkê
Ma bayê kur rûxand hêlîna tivîlkê,
Hij ma li milkê,
Ramûsan li milkê…
Xwezî, lewitîn di kirêtiyê de
Û şer dizî ji me xewnên mîrekî
Li gundekî em
Li herêmekê
Dujmin bûna jî malê me pev dima
Neyariya me nedigiha qewmekî
Kengî bûya lev dihatin
Em eydekê,
Erefatekê…
Bi ya helbestê min kir
Û min guh da bilûra şivên:
Hij min aland li destmalek vên
Ramûsan min veşartin li geliyekî

مەهمەت آتل - (2008)  وەندا
ل گەلیەکی

آر گرتیە قورم
وو ل دۆرێ دلەیزە
چ کربوو
چ بوو گونەهێ دارا بەروو؟
ب من رە وێ ژی شەر نەخوەستبوو
ب من رە زارۆکان,
ب من رە کولیلکێ
وو وێ قیزا خاما…
کو, ل دوو من ستووخوار ما
وو بەندی…
رۆندک هەرکیبن شەر هەرکاند
وو خوین پژقاند پەلێ کولیلکێ
ما بایێ کور رووخاند هێلینا تڤیلکێ,
هژ ما ل ملکێ,
رامووسان ل ملکێ…
خوەزی, لەوتین د کرێتیێ دە
وو شەر دزی ژ مە خەونێن میرەکی
ل گوندەکی ئەم
ل هەرێمەکێ
دوژمن بوونا ژی مالێ مە پەڤ دما
نەیاریا مە نەدگها قەومەکی
کەنگی بوویا لەڤ دهاتن
ئەم ئەیدەکێ,
ئەرەفاتەکێ…
ب یا هەلبەستێ من کر
وو من گوه دا بلوورا شڤێن:
هژ من آلاند ل دەستمالەک ڤێن
رامووسان من ڤەشارتن ل گەلیەکی
Hatiye anîn ji : mehmetatli.com