Bêje dayê
min re, qala kaniyê bin zinara,
deşt û zozana
û qela bengî binreş û vala bikê
qala tendûrekê dayê
bila tîna wê bê dilê min
germ, germ
Mêrgê şîn, haros û zeviya ji bîr meke
qala wan jî bike ha!
Tu dizanî, em koçber bûn li xerîbiyê
Me daxwaziyê xwe çal kirin dila
Hesret man, bayê çiyayê Qisirê
berf û baranê
Hesret mam dayê, hesret mam
.....
...
.
Hatime xerîbiyê, xerîbî zor e
Keça min tu megrî, welat tim dûr e
Çavê min nabîne, dilê min kur e
Nizam ev çi jiyan, nizam çi hal e
.
Çawa ez (ji) bîr bikim, gul û Sosina
Bîra min der nayê, ti qet bêhna wan
Çi bikim ez warê wan, dayê, çi bikim malê wan?
Nizam ev çi jiyan, nizam çi hal e!
.
Birayê min (ji) bîr meke, tirba min bikule
Dayika min bawer bike, dilê min qehr e
Welatê xerîbiyê, dayê, mirin jî zor e
Nizam ev çi jiyan, nizam çi hal e