Fermana kuştinê bi cih anîn.
Mije hêşin ya çiya
Û bayê sibê ye hênik û sivik
Di nav xwînê da hiştin û hiştin
Paşê li wê derê tifing daçikandin
Li paşilên me hûr nêrin nihêrtin
Lê geriyan.
Pişta min ya sor.
Malê kermenşahê
Tizbî û qotiya min birin û çûn
Hemû jî diyarî bûn ji Ecemistanê
Em kirîvin hevin, merivên hevin
û bi Xwîn giridayê hevin
Bi gund û zevhiyên hember ve
Xinamiyê hevin,
Ji sedsalan vir ve,
Cîranê hevin mil bi mil ve
Mirişkên me tevi hev dibin
Ne ji nezanîyê
Lê ji xizanîyê
Em ji pasportê dilsar bûne
Ewe curmê sebeba qatla me
Êdî navê me dê derkeve bi kelesiyê,
kelesiyê .... kelesiyê ....
Isatvan
Rêbir
Xayiniyê
Kirîvo ...... Kirîvo
Kirivo halê min eyni weha binivîse [2Caran]
Dibe ku bêjin rîwayete
Ev ne memikên gulîne
Guleyê domdomê
Di devê min de wesle wesle [2Caran]
De lêxin lawo,Lêxin
Ez bi hêsanî nayêm kuştin
Di kuçikê min de, hin agirê venemiri
Û çend gotinên min hene
Ji kesê faman ra
Bavê min çavên xwe dan li ber Ruhayê
Û sê birayên xwe jî, sê darên spehî,
Wekî sê çiyayên ji emrê xwe têrnebûn
Ji bircan. ji giran ji minaran
.
Dema kirîv pismam kurên eşîran
Li hember guleyên ferensî şer dikirin
Xalê min yekçû binezîf, simbêlên wi nû derketibûn
Delal, sivik, siwarekî baş
Gote lêxin birano
Roja namûsê ye
Û hespa xwe rakiriye ser pîyan
.
Kirîvo halê min weha binivise
Dibe ku wekî rîwayet, were fêmkirin
Ev ne memikên gulîne
Guleyê domdomê
Di devê min de wesle wesle