Bilûra Min

Bilûra min a şêrîn
Tu di sariya sibehê
Û hingûra êvarê de
Hevalê bêhevalan.
Destbrayê şivan û dilketiyan î.
Dengê te
Hestirên dilên xemgîran,
Silava ji hev-veqetiyan,
Girîn û zarîna diketiyan
Tîne bîra min
Bilûra min, tu î,
Xemrevîna têrkeserên dinyayê!
Dengê Bilûra min,
Çiya û zozanên bilind,
Kaniyên bi gul û rîhan dorgirtî,
Guhê şikeft û serê zinaran
Guhdarên te ne!
Û sura bayê xerbî,
Te di nav pelê darê de digerîne.
Bilûra min, were em ê
Bi wî çiyayê bilind re
Bi hewa kevin,
Û bibin cîranê bayên xurt
Û hevalê kim tên wan
Yên bi mij û dûman,
Û tê de dengê xwe berdin,
Û zarîna dengê me
Bikeve nav kortal û gelîyan
Û bêcaniya erdên jêrîn
Bihejîne;
Û pêlên ava heftreng
Ên xemzebaz
Nalîna me bigehîne
Desta Sirûc û Diyarbekirê;
Û kalîna berxan,
Tev sehîna hespan
Li me vegerînin.
.
Bilûra min.
.
Bilûra min, binêre û bibihîse!
Roj çû ava,
Stêra êvarê bû ges,
Kolosên çiyan ên gewr
Û hewraniyên wan ên sor û zêrîn
Bûne çûn;
Û pêlên ava şevê yên res
Ketine dest û newalan,
Heta rûyê gir û kepezan.
Di qweaca de
Kevir piyê şevgera dixapînin,
Û bêdengiya şevê de
Pêjna lingên mêrxasan tên
.
Bilûra min,
Dengê xwe berde!
Dinya, mîna zarokekî berşir,
Ket dergûşa xwe;
Dengê xwe berde, bilûra min,
Û jê re bilorîne,
Xema wê birevîne,
Bilûra min tu î.
Xemrevîna terkeserên dinyayê;
Û li rojhelatî
Dema ko dinya hişyar dibe
Ji xwe radibe
Ji me re
Strana azadî û serbestiya
Kurdistanê
Binehwirîne
Û dengê wê stranê, bila,
Mîna tîrêjên rojê yên pak û zêrîn
Bikeve nav dil û guhên me.
Bilûra min
Tu î xemrevîna dilketîyên welêt.

جوان هاجۆ - (1997)  بلوورا من
بلوورا من

بلوورا من آ شێرین
تو د ساریا سبەهێ
وو هنگوورا ئێڤارێ دە
هەڤالێ بێهەڤالان.
دەستبرایێ شڤان وو دلکەتیان ئی.
دەنگێ تە
هەسترێن دلێن خەمگیران,
سلاڤا ژ هەڤ-ڤەقەتیان,
گرین وو زارینا دکەتیان
تینە بیرا من
بلوورا من, تو ئی,
خەمرەڤینا تێرکەسەرێن دنیایێ!
دەنگێ بلوورا من,
چیا وو زۆزانێن بلند,
کانیێن ب گول وو ریهان دۆرگرتی,
گوهێ شکەفت وو سەرێ زناران
گوهدارێن تە نە!
وو سورا بایێ خەربی,
تە د ناڤ پەلێ دارێ دە دگەرینە.
بلوورا من, وەرە ئەم ئێ
ب وی چیایێ بلند رە
ب هەوا کەڤن,
وو ببن جیرانێ بایێن خورت
وو هەڤالێ کم تێن وان
یێن ب مژ وو دوومان,
وو تێ دە دەنگێ خوە بەردن,
وو زارینا دەنگێ مە
بکەڤە ناڤ کۆرتال وو گەلییان
وو بێجانیا ئەردێن ژێرین
بهەژینە;
وو پێلێن آڤا هەفترەنگ
ێن خەمزەباز
نالینا مە بگەهینە
دەستا سرووج وو دیاربەکرێ;
وو کالینا بەرخان,
تەڤ سەهینا هەسپان
ل مە ڤەگەرینن.
.
بلوورا من.
.
بلوورا من, بنێرە وو ببهیسە!
رۆژ چوو آڤا,
ستێرا ئێڤارێ بوو گەس,
کۆلۆسێن چیان ئێن گەور
وو هەورانیێن وان ئێن سۆر وو زێرین
بوونە چوون;
وو پێلێن آڤا شەڤێ یێن رەس
کەتنە دەست وو نەوالان,
هەتا روویێ گر وو کەپەزان.
د قوەاجا دە
کەڤر پیێ شەڤگەرا دخاپینن,
وو بێدەنگیا شەڤێ دە
پێژنا لنگێن مێرخاسان تێن
.
بلوورا من,
دەنگێ خوە بەردە!
دنیا, مینا زارۆکەکی بەرشر,
کەت دەرگووشا خوە;
دەنگێ خوە بەردە, بلوورا من,
وو ژێ رە بلۆرینە,
خەما وێ برەڤینە,
بلوورا من تو ئی.
خەمرەڤینا تەرکەسەرێن دنیایێ;
وو ل رۆژهەلاتی
دەما کۆ دنیا هشیار دبە
ژ خوە رادبە
ژ مە رە
سترانا آزادی وو سەربەستیا
کوردستانێ
بنەهورینە
وو دەنگێ وێ سترانێ, بلا,
مینا تیرێژێن رۆژێ یێن پاک وو زێرین
بکەڤە ناڤ دل وو گوهێن مە.
بلوورا من
تو ئی خەمرەڤینا دلکەتییێن وەلێت.
Hatiye anîn ji : ciwan-haco.net
Ev stran hatiye guhertin Carekê
Nivîsên berê
Sererastker : Amedo