Barana Şevê

Ji barana şevê, min bêhna te kir
Dilê’m digirîya, bêriya te dikir
Te l’min nêrî, te min nas nekir
Lehî l’min rabû, lê min şil nekir
.
Ser dengê dilê xwe, ji xew şiyar bûm
Ji hêstirên xwe, di avê de mabûm
Li şevekî kûr, gêj û winda bûm
Wekî her carê, dîsa tenha bûm
.
Duh dîsa derî, pir caran vebû
Dengê te dihat, lê tu tune bû
Dilê min sêwî, l’benda te mabû
Pêjna te dihat, lê tu nexwiya bû

خێرۆ آبباس - (2007)  بارانا شەڤێ
بارانا شەڤێ

ژ بارانا شەڤێ, من بێهنا تە کر
دلێ’م دگرییا, بێریا تە دکر
تە ل’من نێری, تە من ناس نەکر
لەهی ل’من رابوو, لێ من شل نەکر
.
سەر دەنگێ دلێ خوە, ژ خەو شیار بووم
ژ هێسترێن خوە, د آڤێ دە مابووم
ل شەڤەکی کوور, گێژ وو وندا بووم
وەکی هەر جارێ, دیسا تەنها بووم
.
دوه دیسا دەری, پر جاران ڤەبوو
دەنگێ تە دهات, لێ تو تونە بوو
دلێ من سێوی, ل’بەندا تە مابوو
پێژنا تە دهات, لێ تو نەخویا بوو