Sala 1959

îsal zivistana me sar
berfa sipî hûr tête xwar
xemlandine deşt û zinar
kengî bixêr bêtin buhar
hezar û pîncî û nehê
em 24ê sîmehê
berfa me hûr hûr tê behê
kengî bi xêr bêtin buhar
.
Beşek
.
nahêle berf em derkevin
em girtiyê roj û şevinê
xew nayê em ranakevin
kengî bi xêr bêtin buhar
buhar xweş e, çaxê gulan
çaxê kulîlk û simbila
newroz û sersala dila
kengê bi xêr bêtin buhar
bilind dibî ala me jî
balê bidê, xweş dihejê
milet hemî serbest bijî
kengî bi xêr bêtin buhar
.
Beşek
.
Sond xwariye ranakeve
xencer ji dest danakeve
dîsan bi ser çiyan keve
kengî bixêr bêtin buhar
.
Beşek
.
baran li berfa şenivî
bê û pey roj derkevî
tev şîn dibin dar û derî
kengî bixêr bêtin buhar
zanim buhar azadî ye
serbestî û dilşadî ye
doza me cejna Madî ye
kengî bi xêr bêtin buhar
roja me Kurda azad dibe
ala me serbest liba bibie
dilê cegerxwîn şa dibe
kengî bixêr bête buhar

نزامەتن آرچ - (1987)  دایێ
سالا 1959

ئیسال زڤستانا مە سار
بەرفا سپی هوور تێتە خوار
خەملاندنە دەشت وو زنار
کەنگی بخێر بێتن بوهار
هەزار وو پینجی وو نەهێ
ئەم 24ێ سیمەهێ
بەرفا مە هوور هوور تێ بەهێ
کەنگی ب خێر بێتن بوهار
.
بەشەک
.
ناهێلە بەرف ئەم دەرکەڤن
ئەم گرتیێ رۆژ وو شەڤنێ
خەو نایێ ئەم راناکەڤن
کەنگی ب خێر بێتن بوهار
بوهار خوەش ئە, چاخێ گولان
چاخێ کولیلک وو سمبلا
نەورۆز وو سەرسالا دلا
کەنگێ ب خێر بێتن بوهار
بلند دبی آلا مە ژی
بالێ بدێ, خوەش دهەژێ
ملەت هەمی سەربەست بژی
کەنگی ب خێر بێتن بوهار
.
بەشەک
.
سۆند خواریە راناکەڤە
خەنجەر ژ دەست داناکەڤە
دیسان ب سەر چیان کەڤە
کەنگی بخێر بێتن بوهار
.
بەشەک
.
باران ل بەرفا شەنڤی
بێ وو پەی رۆژ دەرکەڤی
تەڤ شین دبن دار وو دەری
کەنگی بخێر بێتن بوهار
زانم بوهار آزادی یە
سەربەستی وو دلشادی یە
دۆزا مە جەژنا مادی یە
کەنگی ب خێر بێتن بوهار
رۆژا مە کوردا آزاد دبە
آلا مە سەربەست لبا ببە
دلێ جەگەرخوین شا دبە
کەنگی بخێر بێتە بوهار