Gozel

Sîng û berê kewgozelê Elegez e
Vê biharê wê xemiliye rez bi rez e
Memikên yarê li ser bedenê cotkanî ne
Xalêd sûret mîna konê Kurmancî ne
Guliyên yarê mîna cewên derbiharê
Hev girtine, fitil fitil têne xwarê
Ezî li ser kawkubarê bengiyê xefûr
Min da destan û lîlandin sîmên tembûr
Min got: Yarê, tembûr di destê min de heliya
Were li lawikê xwe kerem ke cotê guliyan
.
[Beşek]
.
Got: Beytûyo, por û guliyên min qumaş in
Yêngên mîna te bê sewda û bê hiş in
Sîng û berê min zozan e, ez çavreş im
Ne ya te me, para lawikê xwe yê keleş im
.
[Beşek]
.
Got berzeqê û bi awir li min nihêrî
Awirên wê li min bûn mîna kêr û dirrî
Cotê guliyan bûn cotek mar û li min venîn
Saza min ket, tilî û pêçiyên min lerizîn
Mêrg û geliyên Elegezê girtin dûman
Niza’m ji çi re gelo bihar bû zivistan

نزامەتن آرچ - (2011)  آزادی
گۆزەل

سینگ وو بەرێ کەوگۆزەلێ ئەلەگەز ئە
ڤێ بهارێ وێ خەملیە رەز ب رەز ئە
مەمکێن یارێ ل سەر بەدەنێ جۆتکانی نە
خالێد سوورەت مینا کۆنێ کورمانجی نە
گولیێن یارێ مینا جەوێن دەربهارێ
هەڤ گرتنە, فتل فتل تێنە خوارێ
ئەزی ل سەر کاوکوبارێ بەنگیێ خەفوور
من دا دەستان وو لیلاندن سیمێن تەمبوور
من گۆت: یارێ, تەمبوور د دەستێ من دە هەلیا
وەرە ل لاوکێ خوە کەرەم کە جۆتێ گولیان
.
[بەشەک]
.
گۆت: بەیتوویۆ, پۆر وو گولیێن من قوماش ن
یێنگێن مینا تە بێ سەودا وو بێ هش ن
سینگ وو بەرێ من زۆزان ئە, ئەز چاڤرەش م
نە یا تە مە, پارا لاوکێ خوە یێ کەلەش م
.
[بەشەک]
.
گۆت بەرزەقێ وو ب آور ل من نهێری
آورێن وێ ل من بوون مینا کێر وو درری
جۆتێ گولیان بوون جۆتەک مار وو ل من ڤەنین
سازا من کەت, تلی وو پێچیێن من لەرزین
مێرگ وو گەلیێن ئەلەگەزێ گرتن دوومان
نزا’م ژ چ رە گەلۆ بهار بوو زڤستان
Hatiye anîn ji : helbesta fêrîkê ûsîv.