Min Canek Dît

Min canek dît li nav çiya
Ronahî da çar aliya
Rawestam bin sîha piya
Nexweş bûm ketme ser ciya
.
Hişyarkirim qêjîna wê
Min xwe avêt ber piyêt wê
Ber perekî mezin yê vê
Min jî guhda gazinêt wê
.
Ne saxeke giranim ez
Ya bê pirs û dermanim ez
Bê xudan û sexbîrim
Ya bê bab û semyanim ez
.
Ferhadim ez şêrîna min
Wey te xwelî bi ser serê min
Wey nazik û serbara min
Kul û gazinda neke ji min
.
Kaxeza ji kêre biweşînim
Perda kî şêxî bi hejînim
Ser kêleya kê çakî rûnim
Dermanê te ji kîrê bînim

مهەمەد شێخۆ -   نەسرین
من جانەک دیت

من جانەک دیت ل ناڤ چیا
رۆناهی دا چار آلیا
راوەستام بن سیها پیا
نەخوەش بووم کەتمە سەر جیا
.
هشیارکرم قێژینا وێ
من خوە آڤێت بەر پیێت وێ
بەر پەرەکی مەزن یێ ڤێ
من ژی گوهدا گازنێت وێ
.
نە ساخەکە گرانم ئەز
یا بێ پرس وو دەرمانم ئەز
بێ خودان وو سەخبیرم
یا بێ باب وو سەمیانم ئەز
.
فەرهادم ئەز شێرینا من
وەی تە خوەلی ب سەر سەرێ من
وەی نازک وو سەربارا من
کول وو گازندا نەکە ژ من
.
کاخەزا ژ کێرە بوەشینم
پەردا کی شێخی ب هەژینم
سەر کێلەیا کێ چاکی روونم
دەرمانێ تە ژ کیرێ بینم
Hatiye anîn ji : Stranên Mihemed Şêxo (Beha Şêxo + Qado Şêrîn)