Ez Bûm Ferar

Ez bûm ferar dûrbûm gelo ji yarê
Qet dost neman tev bûn neyar bi carê
Dewran limin ew çep gerî lipaş dibarê
Bûm wek gumok hêsirên min tim dibarê
Ez wek gûyîn tim roj û şev dinalim
Ez mam biyan bêkes û bê şev dinalim
Ez bûm wekî kalê temen buhûrî
Rê dûre bi meş ta qet nema û nikarim
Dinya zivistan pir bi ba bahoz
Berf sipî sar tê bi mij û tev toz
Şev reş û qir şaş bûm ji rê bi der çûm
Kopal min girt piştê me xwar û pir xûz
Birçê û' tî derdê giran bi ser de
Sersem û gêj şaş bûm herim bi kurde
Pir dem wekî Mûsa li Tûr mi bakir
Carek xweda min qet nedî te cabda
Tae't, nimêj ma ey xweda ji bo çi
Jîna me tev tae't mi kir bi qencî
Dawî temen ez mam feqîr û bêwar
Ez wer nexweş bêkes hejar û birçî
Barê giran îro çima li ser min
Tev rê tewer şaş kir hemî liber min
Yarê kirim wê Bêbuhar te yar da
Dil xweş ne kir derd zêde kir ji bo min

مهەمەد شێخۆ -   کۆچێ مە بارکر
ئەز بووم فەرار

ئەز بووم فەرار دووربووم گەلۆ ژ یارێ
قەت دۆست نەمان تەڤ بوون نەیار ب جارێ
دەوران لمن ئەو چەپ گەری لپاش دبارێ
بووم وەک گومۆک هێسرێن من تم دبارێ
ئەز وەک گوویین تم رۆژ وو شەڤ دنالم
ئەز مام بیان بێکەس وو بێ شەڤ دنالم
ئەز بووم وەکی کالێ تەمەن بوهووری
رێ دوورە ب مەش تا قەت نەما وو نکارم
دنیا زڤستان پر ب با باهۆز
بەرف سپی سار تێ ب مژ وو تەڤ تۆز
شەڤ رەش وو قر شاش بووم ژ رێ ب دەر چووم
کۆپال من گرت پشتێ مە خوار وو پر خووز
برچێ وو' تی دەردێ گران ب سەر دە
سەرسەم وو گێژ شاش بووم هەرم ب کوردە
پر دەم وەکی مووسا ل توور م باکر
جارەک خوەدا من قەت نەدی تە جابدا
تاە'ت, نمێژ ما ئەی خوەدا ژ بۆ چ
ژینا مە تەڤ تاە'ت م کر ب قەنجی
داوی تەمەن ئەز مام فەقیر وو بێوار
ئەز وەر نەخوەش بێکەس هەژار وو برچی
بارێ گران ئیرۆ چما ل سەر من
تەڤ رێ تەوەر شاش کر هەمی لبەر من
یارێ کرم وێ بێبوهار تە یار دا
دل خوەش نە کر دەرد زێدە کر ژ بۆ من
Hatiye anîn ji : Stranên Mihemed Şêxo (Beha Şêxo + Qado Şêrîn)