Lawîko

Lawiko kele kela germa vê havînê
De lawikê min nexweşe, nexweşê li nav nivînê
Eza rebenê dikim cîkê lawikê daynim
Li eywanê şaneşînê
Cotê reşguliyê xwe ji lawikê xwe re
Têxim baw û bawesînê heyanî sibê
Li ber serê lawikê xwe rûnêm
Ezê bêjim gelî mêr û zilama
Hûnê ji kêleka lawikê min rabin
We çima win nizanin lawikê min
Lawikê min nexweşe, bedhale tirsim ezê lawikê
Xwe nebînim ezê bimirim bi vê kulê, bi vê kederê, vê birînê
Way way bi vê birînê de were
Ax de were de were de were keser û meraqa mi lawiko
.
Ezê ketime toz û xubara germa vê bêderê
Lawikê min nexweşe, bedhale, ez nizanim birîna wî li kêderê?
Ezê cîkê lawikê xwe daynim li eywanê li ber pencerê
Lawiko derba te li min daye bîna tîra vê xencerê
Ezê bêjim gelî mêr û zelama hûnê ji kêleka lawikê min rabin, lawikê min nexweşe, pir bêhale
Ezê cotê memikê xwe bidim desta, bila lawikê min pêşabe, bîna wî pêderê, tirsim lawikê min bimire, ez nebînim, ezê bimirim bi wî kulê, bi wî êşê bi wî keserê de were…

کاوا - (2006)  ئەز وو تو
لاویکۆ

لاوکۆ کەلە کەلا گەرما ڤێ هاڤینێ
دە لاوکێ من نەخوەشە, نەخوەشێ ل ناڤ نڤینێ
ئەزا رەبەنێ دکم جیکێ لاوکێ داینم
ل ئەیوانێ شانەشینێ
جۆتێ رەشگولیێ خوە ژ لاوکێ خوە رە
تێخم باو وو باوەسینێ هەیانی سبێ
ل بەر سەرێ لاوکێ خوە روونێم
ئەزێ بێژم گەلی مێر وو زلاما
هوونێ ژ کێلەکا لاوکێ من رابن
وە چما ون نزانن لاوکێ من
لاوکێ من نەخوەشە, بەدهالە ترسم ئەزێ لاوکێ
خوە نەبینم ئەزێ بمرم ب ڤێ کولێ, ب ڤێ کەدەرێ, ڤێ برینێ
وای وای ب ڤێ برینێ دە وەرە
آخ دە وەرە دە وەرە دە وەرە کەسەر وو مەراقا م لاوکۆ
.
ئەزێ کەتمە تۆز وو خوبارا گەرما ڤێ بێدەرێ
لاوکێ من نەخوەشە, بەدهالە, ئەز نزانم برینا وی ل کێدەرێ؟
ئەزێ جیکێ لاوکێ خوە داینم ل ئەیوانێ ل بەر پەنجەرێ
لاوکۆ دەربا تە ل من دایە بینا تیرا ڤێ خەنجەرێ
ئەزێ بێژم گەلی مێر وو زەلاما هوونێ ژ کێلەکا لاوکێ من رابن, لاوکێ من نەخوەشە, پر بێهالە
ئەزێ جۆتێ مەمکێ خوە بدم دەستا, بلا لاوکێ من پێشابە, بینا وی پێدەرێ, ترسم لاوکێ من بمرە, ئەز نەبینم, ئەزێ بمرم ب وی کولێ, ب وی ئێشێ ب وی کەسەرێ دە وەرە…