Bera xeynî min bistrên
Bo aşitiyê
Bo dostaniyê
Bera xeynî min bistrên
Bo biratiyê û piştgiriyê
.
Bere xeynî min bistrên
û kund dike weqe weq
Di nava kavilên gundê min de
û dexl û rez digrîn
Ji bîrkirinê
Ji ber dengê stranên palan êdi nayê
Bere xeynî min.....
.
Û li wê
Li pist diwarên ji têla direhî
Di nava tariyê de, di nava seqema Zagros de
Li kurên bê umêdiyê
Gund û bajarên çadirî
Bê hejmar sîng kutane
Bere xeyni min.......
.
Bere xeynî min.......
û xûşk û birayên min, dost û pismamên min
Şîrmijên bi jiyanê şa nebûyi
Daykê dilşikesti, bûkên nazdar
Di mistewteneyên li xemgîniyê tayê û êşa zirav da
Roj, hezar carî dimri
.
Bere xeynî min .....
û hemwelatiyên minî
ku bi nanê rûmetê û wezan mezin bûne
Mane li benda comerdiya demokratên roavayê
Bazirganên jehrê, mane li benda comerdiya xanimên ewropa
Û pişta dayka min bûye xerîte,
şûna qamçiyên neviyên çirçirkên contirkan
.
Bera xeynî min bistrên
Bo aşitiyê
Bo dostaniyê
Biratiyê
piştgiriyê
Bera xeynî min bistrên