De Were Evîna Min

Ji minre veke wî baxê îrem
Da ez bi xwînim ilmê sîneyê
Ew sêv û hirmî ew hejîr û nerm
Da kû ez rûnêm li textê serayê
.
De were evîna min
De were serê xwe deyne ser çonga min
Ezê stranên xerîbîyê ji tera bêjim
Ezê ramûsanên birçî bi pêjim
Di germahiya dilê xwe de
Û ezê ji tera bêjim û bêjim.
.
Ezê helbestên bindestîyê ji tera bêjim
Hevokan li pey hevdû rêzkim
Mina hêstirên çavên Emîna Kor kû di herikîn ser potînen gemarî.
Potinên zilmê hêstir di eciqandin di sînga Emina Kor de.
Potînên zulmê zarok di kustin di zikê xuska min de.
Ezê hevokan ji tera rêzkim
Li pey hevdû
Xelek bi xelek
Mina xelekên zincirên gerdena welatêmin.
Mina zincîrên destên çav girêdayî…
.
Ezê ji tera helbestên evînî yê bêjim
Yeko yeko şeh bikim û bi niqirînim
Û bi ramusanên şahîk û nerm
Li ser bedena evîna me dîwarekî ji edebê bi pêçim.
De were
Ezê hevokan ji tera lêkim
Yeko yeko ji bo diwarekî pir penceroj
Kevirên nerm û şêrin
.
Bi mizraba destê xwe şehbikim
Yeko yeko
Bi aqda zinara Mêrdînê
Bi kilsa êtunên çiyayên mazî
Bi kewînim
Bi dilê xwe î şaqûlî
Û bi çavên xwe î evîn birçî bi wezînînim
Û mîna hostakî qerase û dest mezin(GIBGIBE)
Şewqa xwe li alìyekì xim
Xwèdana eniya xwe paqishkim
Ù hilmekè li tutina Xursè xim
Mina Hoste Heci Emin çavekî xwe dagerînim û lê mêzekim.
Da kû qusûr lê nemîne.
.
Ji minre veke wî baxê îrem
Da ez bi xwînim ilmê sîneyê
Ew sêv û hirmî ew hejîr û nerm
Da kû ez rûnêm li textê serayê
.
De were…
Ezê Diwarekî ji helbestan lêkim
Û dora me bi pêçim
Da kû kes me nebîne
Kes ji sohbeta me aciz nemîne
Bi zimanê xwe î maleyî bi seyînim wî diwarê evînê
Û bi hêstirên xwe î gemkirî av bidim
Agd û kilsa dîwarê sitara me
Kû li ber tîna evîna dilê min ne çirre û ne qelişe.
.
Bila hêstirên minî gem kirî zincîran bi qetînin
Û bi herikin li pey hevdû
Hevdû bi westînin
Li ser hinarikên rûyê teî qelew û şahîk.
.
De were bihara dilêmin î payizokî
De were ronahîya êvara dilêmin î xeyidokî
De were berbanga xilmaşîya dilêmin î zîzokî
De were naveroka xewnên min î sist û virçoqî.
De were.
.
De were
Serê xwe deyne ser çonga min
Û guhdarî bike li helbestên min
Yên xerîbîyê yên evîn a min.
Evîna min û te….
Evîna min û te î bi dizî û qedexe
Ku mina belavokek Newrozê
Di bêrîka min de sifrekirî.
Dest bi dest
Bêrîk bi bêrîk geryayî
Li kolan û kuçeyên bajarê dilê min
Li welatê min
Di xindeq û kozikande vesartî.
.
De were
Ezê bêjeyên kewandi
Bi evînê xemilandi
Ji boxçika dilê xwe
Yeko yeko
Hevde bi hevde
Kêl bi kêl
Têl bi têl
.
Ji tera birêsim
Bi xwînim
Û
Bi reşînim
.
Ser devê satila bi werîsê zimanê min î çel erîn ve girê day î
û derxînim ji bîra evîna dilê xwe
Û ezê verişînim nav kutupxaneya ser bedena te î têr ilm.
Û
Ezê wan bêjeyên bi kirasê evînê xemilandî
Bi paçekî heftreng bi pêçim
Bikim ronik û rewa
Ji gerînek û şurrukên ronahîya xwe
Wan berdim ser xindeq û germoçekên suretê xwe…..
.
Bila xwe berdin nava pûndika simbêlêmin î yextîyar
Û bi herikin ji çenga min î westîyayî
Kû bi pirça spî pêçayî….
Û bi herikin dilop bi dilop
Hevok bi hevok
Xwe bavêjin bextê sîngate î bê sihûd û bê salih
Ji gerdena te bi herikin
Nava paxila te î xwê dayî
Qelew û dermalekirî.
Mîna destên min î bi lerz û bi xof
Ruhê min î di nava hevokan de veşartî
Carek bi tenê dilxweş û şadbe li ser bedena te î bijartî….
De were maneka min î nal germ û paxil xwêdayî………
.
Ji min re veke wî baxê îrem
Da ez bi xwînim ilmê sîneyê
Ew sêv û hirmî ew hejîr û nerm
Dakû ez rûnêm li textê serayê.

برادەر - (2009)  دیوانا مە
دە وەرە ئەڤینا من

ژ منرە ڤەکە وی باخێ ئیرەم
دا ئەز ب خوینم لمێ سینەیێ
ئەو سێڤ وو هرمی ئەو هەژیر وو نەرم
دا کوو ئەز روونێم ل تەختێ سەرایێ
.
دە وەرە ئەڤینا من
دە وەرە سەرێ خوە دەینە سەر چۆنگا من
ئەزێ سترانێن خەریبییێ ژ تەرا بێژم
ئەزێ رامووسانێن برچی ب پێژم
د گەرماهیا دلێ خوە دە
وو ئەزێ ژ تەرا بێژم وو بێژم.
.
ئەزێ هەلبەستێن بندەستییێ ژ تەرا بێژم
هەڤۆکان ل پەی هەڤدوو رێزکم
منا هێسترێن چاڤێن ئەمینا کۆر کوو د هەرکین سەر پۆتینەن گەماری.
پۆتنێن زلمێ هێستر د ئەجقاندن د سینگا ئەمنا کۆر دە.
پۆتینێن زولمێ زارۆک د کوستن د زکێ خوسکا من دە.
ئەزێ هەڤۆکان ژ تەرا رێزکم
ل پەی هەڤدوو
خەلەک ب خەلەک
منا خەلەکێن زنجرێن گەردەنا وەلاتێمن.
منا زنجیرێن دەستێن چاڤ گرێدایی…
.
ئەزێ ژ تەرا هەلبەستێن ئەڤینی یێ بێژم
یەکۆ یەکۆ شەه بکم وو ب نقرینم
وو ب راموسانێن شاهیک وو نەرم
ل سەر بەدەنا ئەڤینا مە دیوارەکی ژ ئەدەبێ ب پێچم.
دە وەرە
ئەزێ هەڤۆکان ژ تەرا لێکم
یەکۆ یەکۆ ژ بۆ دوارەکی پر پەنجەرۆژ
کەڤرێن نەرم وو شێرن
.
ب مزرابا دەستێ خوە شەهبکم
یەکۆ یەکۆ
ب آقدا زنارا مێردینێ
ب کلسا ئێتونێن چیایێن مازی
ب کەوینم
ب دلێ خوە ئی شاقوولی
وو ب چاڤێن خوە ئی ئەڤین برچی ب وەزینینم
وو مینا هۆستاکی قەراسە وو دەست مەزن(گبگبە)
شەوقا خوە ل آلìیەکì خم
خوèدانا ئەنیا خوە پاقسهکم
Ù هلمەکè ل توتنا خورسè خم
منا هۆستە هەج ئەمن چاڤەکی خوە داگەرینم وو لێ مێزەکم.
دا کوو قوسوور لێ نەمینە.
.
ژ منرە ڤەکە وی باخێ ئیرەم
دا ئەز ب خوینم لمێ سینەیێ
ئەو سێڤ وو هرمی ئەو هەژیر وو نەرم
دا کوو ئەز روونێم ل تەختێ سەرایێ
.
دە وەرە…
ئەزێ دوارەکی ژ هەلبەستان لێکم
وو دۆرا مە ب پێچم
دا کوو کەس مە نەبینە
کەس ژ سۆهبەتا مە آجز نەمینە
ب زمانێ خوە ئی مالەیی ب سەیینم وی دوارێ ئەڤینێ
وو ب هێسترێن خوە ئی گەمکری آڤ بدم
آگد وو کلسا دیوارێ ستارا مە
کوو ل بەر تینا ئەڤینا دلێ من نە چررە وو نە قەلشە.
.
بلا هێسترێن منی گەم کری زنجیران ب قەتینن
وو ب هەرکن ل پەی هەڤدوو
هەڤدوو ب وەستینن
ل سەر هنارکێن روویێ تەی قەلەو وو شاهیک.
.
دە وەرە بهارا دلێمن ئی پایزۆکی
دە وەرە رۆناهییا ئێڤارا دلێمن ئی خەیدۆکی
دە وەرە بەربانگا خلماشییا دلێمن ئی زیزۆکی
دە وەرە ناڤەرۆکا خەونێن من ئی سست وو ڤرچۆقی.
دە وەرە.
.
دە وەرە
سەرێ خوە دەینە سەر چۆنگا من
وو گوهداری بکە ل هەلبەستێن من
یێن خەریبییێ یێن ئەڤین آ من.
ئەڤینا من وو تە….
ئەڤینا من وو تە ئی ب دزی وو قەدەخە
کو منا بەلاڤۆکەک نەورۆزێ
د بێریکا من دە سفرەکری.
دەست ب دەست
بێریک ب بێریک گەریایی
ل کۆلان وو کوچەیێن باژارێ دلێ من
ل وەلاتێ من
د خندەق وو کۆزکاندە ڤەسارتی.
.
دە وەرە
ئەزێ بێژەیێن کەواند
ب ئەڤینێ خەملاند
ژ بۆخچکا دلێ خوە
یەکۆ یەکۆ
هەڤدە ب هەڤدە
کێل ب کێل
تێل ب تێل
.
ژ تەرا برێسم
ب خوینم
وو
ب رەشینم
.
سەر دەڤێ ساتلا ب وەریسێ زمانێ من ئی چەل ئەرین ڤە گرێ دای ئی
وو دەرخینم ژ بیرا ئەڤینا دلێ خوە
وو ئەزێ ڤەرشینم ناڤ کوتوپخانەیا سەر بەدەنا تە ئی تێر لم.
وو
ئەزێ وان بێژەیێن ب کراسێ ئەڤینێ خەملاندی
ب پاچەکی هەفترەنگ ب پێچم
بکم رۆنک وو رەوا
ژ گەرینەک وو شورروکێن رۆناهییا خوە
وان بەردم سەر خندەق وو گەرمۆچەکێن سورەتێ خوە…..
.
بلا خوە بەردن ناڤا پووندکا سمبێلێمن ئی یەختییار
وو ب هەرکن ژ چەنگا من ئی وەستییایی
کوو ب پرچا سپی پێچایی….
وو ب هەرکن دلۆپ ب دلۆپ
هەڤۆک ب هەڤۆک
خوە باڤێژن بەختێ سینگاتە ئی بێ سهوود وو بێ ساله
ژ گەردەنا تە ب هەرکن
ناڤا پاخلا تە ئی خوێ دایی
قەلەو وو دەرمالەکری.
مینا دەستێن من ئی ب لەرز وو ب خۆف
روهێ من ئی د ناڤا هەڤۆکان دە ڤەشارتی
جارەک ب تەنێ دلخوەش وو شادبە ل سەر بەدەنا تە ئی بژارتی….
دە وەرە مانەکا من ئی نال گەرم وو پاخل خوێدایی………
.
ژ من رە ڤەکە وی باخێ ئیرەم
دا ئەز ب خوینم لمێ سینەیێ
ئەو سێڤ وو هرمی ئەو هەژیر وو نەرم
داکوو ئەز روونێم ل تەختێ سەرایێ.